ASIER GOGORTZA ARGAZKILARIAREN ERAKUSKETA ARETO NAGUSIAN

Asier Gogortza argazkilariak bere azken lanetako batzuk erakutsiko ditu Areto Nagusian, larunbat honetatik aitzinera. Bortz argazki serie desberdin aurkeztuko ditu,jadanik desagertuak diren edo desagertzeko arriskuan diren paisaiak dira denak ere, eta hortik heldu zaio erakusketari “Autopsiak” izenburua. Tartean, Berako herri-lurretan dauden 55 borda ikusi ahal izanen dira, gaur egun oraindik artzaintzarako erabiltzen direnak eta garai batean izan zirenen arrastoak. Berako paisaiaren mapa bat osatzen dute denen artean, iraganari buruzko gako aunitz eta etorkizunari buruzko galdemodu batzuk pausatuz. Guretzat plazer handia litzateke eginen dugun irekitze ekitaldi xumera hurbilduko bazinate, larunbatean, arratsaldeko 4etatik 8etara hobekien heldu zaizuen ordutegian.

Erakusketa, 2021eko urriaren 16tik abenduaren 19ra zabalik egonen da, asteburuetan, arratsaldeko 4etatik 8etara.